Kamfanin dillancin labaran Mehr ya bayar da rahoton cewa, a lokacin da dubban daruruwan mutane suke gudanar da janazar shugaban majalisar koli ta siyasa a kasar ta Yemen Saleh Samad a yau a birnin San'a, jiragen yakin Saudiyya sun kai hare-hare a kusa da wurin da ake taron janazar, yayin da dakarun kasar gami da sojin sa kai su kuma suka mayar da martani da makamai masu linzami guda 8 a wasu sansanonin sojin Saudiyya da ke yankin Jizan a kudancin kasar.
A cikin kasa da mako guda da ya gabata, Saudiyya ta kashe fararen hula fiye da sattin a cikin kasar Yemen, daga ciki kuwa har da harin da ta kai a ranar Litinin a kan taron bikin aure, inda ta kashe mutane 33, da suka hada har da amraya, lamarin da ya fusata al'ummomin duniya da dama.
28 Afirilu 2018 - 18:08
Lambar labari: 891276
Dubbar daruruwan jama'a ne a birnin Sana' na kasar Yemen suka halarci janazar shugaban majalisar koli ta siyasa a kasar Yemen Saleh Ali Samad, wanda Saudiyyah tare da hadin gwiwa da Amurka suka yi kisan gilla a ranar Alhamis ta wancan makon da ya gabata.
